Convocatoria del OPLE Veracruz para candidaturas independientes a diputaciones locales 2026-2027 · Náhuatl de la Huasteca
Kinmatiltiah weyaltepetl Veracruz de Ignacio de la Llave, ahkia kinekis moamatlalis tekipanos ipan Candidatura Independiente ipan ni tlayekanalli Diputaciones por el Principio de Mayoría Relativa, ipan ni tekitlapehpenilli Proceso Electoral Local Ordinario 2026-2027 kampa moyankwilis H. Congreso del Estado de Veracruz.
Ni tekichiwalli pewa ika amatlahkwilolli kampa tlatskitok kenke kineki tekikwis (AMAPIWILLI 1 MI¹), tlen kichiwas iwan temakas ipan tlayekanaloyan ipan ne Dirección Ejecutiva de Prerrogativas y Partidos Políticos del Organismo Público Local Electoral de Veracruz, pewas ipan 7 de noviembre iwan tlamis 05 de tlen 2026 xiwitl.
Nota de transcripción: en el PDF, la fecha de cierre aparece como «05 de tlen 2026 xiwitl», sin indicar el mes.
Ne tlahkwilolli kenke kineki tekikwis iwan amapiwilmeh welis kititlanis ika ni tlamantli:
– Ipan tepostitlanilli. Kitlaliah nochi ma kiixmatikah ni teposnextilli https://simirc.oplever.org.mx kampa weliseh kititlaniseh ipan tepostitlanilli, ihkino nohkia ma kiixmatikah nochi tlamantli iwan tlapalewilli kampa weliseh kinmatiltiseh tlen moneki kiixmatiseh ipan teposnextilli
https://www.oplever.org.mx/candidaturasindependientes_2026/
HILDA GAS
-Nochi amameh moneki ika tlapalli kwalli moixkopintos iwan kiwasanitoseh ika tsiktik tlapalli.
a) Tlen monekilia
– Amaixkopinalli Acta Constitutiva tlen Asociación Civil iwaya sentikah kipiwilis tlen tekitl kichiwah, ni moneki kwalli eltos ika ne Modelo Único de Estatutos (AMAPIWILLI 2 MUE²).
– Amaixkopinalli kampa nesi kiihkwilotokeh ne Asociación Civil ipan tlayekanalli Servicio de Administración Tributaria (SAT).
– Kwalli amatlalistli kampa monextia kipixtokeh sentikah se amatominextilli.
– Amatlahkwilolli kampa tematiltia ahkia kikawas ma kwalli kiyekanas iwan seyok ahkia kiyekanas kikwitlawis nochi tomih iwan tematiltis kenihkatsa motekiwihtih (ni tekiyekanalmeh axkana san se ahkiawel welis kiyekanas iwan moneki iwikal eltos ken kinextiah ne Acta Constitutiva).
– Amatlahkwilolli kampa ixnesi se teposmatiltilli, nohkia ahkiawel inihwantih kiseliseh iwan tlanankiliseh (san moseliseh teposmatiltilmeh Gmail kampa ipa kitlachiliseh, ni iwikal eltos ika tlen moihkwilohkeh).
– Amaixkopinalli yankwik tlen kwalli nesi amatokanextilli tlen nochi ahkiawel kiyekanah ne Asociación Civil.
– Amatlahkwilolli kampa kiwasanitohtok ne ahkiawel kiyekana ne Asociación Civil kampa ne Comisión Permanente de Prerrogativas y Partidos Políticos del OPLE y/o el INE, kitlachilikah kani wala iwan kani motekiwis ne tomih tlen motekiwis.
– Amanextilli kampa kiwasanihtos ahkiawel kineki tekikwis kampa kiihtowa welis kiselis tlamatiltilmeh ipan teposmatiltilli kampa kitekiwis ne tepostekichiwalli (AMAPIWILLL 3 CANVCE³).
– Amatlahkwilolli kampa monextia ahkia kiyekanas ne teposnextilli iwan tepostekichiwalli (ANEXO 4 FROPWAM⁴).
– Kinextis ipan se tlaixkopinalli iwan ipan se amatl ne tlahkwilolli tlen kitekiwis kipanextis ma kipalewikah chinankoewanih.
– Amatemitilli tlen Aceptación de Registro de Candidatura del Sistema Nacional de Registro (Amatemitilli SNR) (Ni kichiwa ne INE).
b) Tlen axwelis mochiwas
Kema moamatlaliseh kenkeh kinekih tekikwiseh, ne masewalli ipan se Candidatura Independiente welis tlahtlanilis ipan amatlahkwilolli tlen axwelis kemantsi mochiwas, tlan kemantsi axwelis mochiwas se tekitl pampa axtlaohonka so tlaihyowiah iwan axwelis mosentilis amatlapalewilli ika ne tepostekichiwalli, so ne chinankomeh kampa tlawel tlamalwilko iwan tlanawatiyanih tlawel malwilli kitlachiltokeh pampa axaka pano, tlaweloni so panoh se tlamantli, ni eltokeh ipan 21 altepemeh ihkino kintlachiltokeh nelia tlamalwilko, ixnesih nika ANEXO 6 LMRE⁶.
Ika ni tlamantli nopa tlapalewilli kiseliseh ne masewalmeh ahkia kinekih tekikwiseh elis san ika ni amanextilli ANEXO 5 CRRE⁷.
c) Kema kintlahtlaniseh tlapalewilli ne chinankoewanih
Kenihkatsa kintlahtlaniliseh tlapalewilli ne chinankoewanih. Ni tonatih kema tlahtlaniseh tlapalewilli iwan tlawasaniseh ne chinankoewanih ika ne tepostekichiwalli, mochiwas san 30 tonatih tlen tekipanolli Diputaciones por el Principio de Mayoría Relativa.
Kema. Ni wahkawas, kema iwan kani mochiwas kampa tlahtlaniseh intlapalewil chinankoewanih, mochiwas ika ni tlanawatilli 30 tonatih iwan pewas ipan 30 tlen enero metstli iwan tlamis 28 tlen febrero metstli tlen 2027, ni san ken kihtowa tlanawatilli kampa onkas ni tekitlapehpenilistli.
d) Keski intlapalewil moneki chinankoewanih
Tlan welis moihkwiloseh ipan se Candidatura Independiente ika tekipanolli Diputaciones por el Principio de Mayoría Relativa, ahkia kineki tekikwis moneki kisentilis tlawasanilmeh tlen chinankoewanih tlen (3%) tlen masewalmeh itstokeh ixnesih ipan tokapoalli ipan nochi altepetlalli tlen itechpowi, san tlamis ipan sempoalli iwan mahtlaktli tlen agosto metsti 2026, nochi chinankoewanih moneki ixnesiseh iwan ni welis motlachilis ne ANEXO 7 PAC⁸ tlen amatlamatiltilli.
e) Tominpalewilli kema kikixtiseh intlawasanil ne chinankoewanih iwan ikwitlawilis
Kema mokixtis intlapalewil ne chinankoewanih iwan ikwitlawilis, nochi tomih tlen motekiwis kikixtiseh intlawasanil ne chinankoewanih moneki tlaxtlawaseh tlen inselti tekitih iwan kwalli tekichiwalli ika kistok.
Kani tlamis tomintekiwilli. Ni tomintekiwilli tlen welis kitekiwiseh ahkia kinekih tekikwiseh axwelis panos 10% kampa ihkino kiihtowa tlanawatilli, ika ne tekipanolli diputaciones mochiwas san ken kiihtowa ne Proceso Electoral Local 2023-2024 ika ne tlasenkawalli OPLEV/CG081/2024, san ken tlatskitok ipan (AMAPIWILLI 8 TGD)⁹.
f) Kenihktsa moihkwiloseh Candidaturas Independientes
San kema kisenkawaseh ne amatlanatilli kampa kinmatiltiah masewalmeh tlen kinekiseh tekikwiseh kampa welis inselti monawatiseh, ne OPLE Veracruz kiihtos kema kinmatiltis, kenihkatsa iwan tlen kichiwaseh kwalli moamatlaliseh.
Ni tonatih kema pewas moseliseh amatlahtlanilismeh kinekih tekikwiseh tlen kinekih inselti monawatiseh ipan Diputaciones por el Principio de Mayoría Relativa pewas ipan 20 tlen marzo metstli iwan tlamis 29 tlen marzo 2027, ipan ne Consejo General.
Marisol Alicia Delgadillo Morales
Consejera Presidenta del OPLE Veracruz
Luis Fernando Reyes Rocha
Secretario Ejecutivo del OPLE Veracruz
Notas del documento original
1. Formato para manifestar la intención de postularse a una candidatura independiente al cargo de Diputación por el Principio de Mayoría Relativa.
2. Modelo Único de Estatutos de la asociación civil que deberán constituir las personas interesadas en postularse bajo la modalidad de candidaturas independientes al cargo de Diputación por el Principio de Mayoría Relativa en el estado de Veracruz de Ignacio de la Llave.
3. Carta de Aceptación de notificación vía correo electrónico.
4. Formato para la persona responsable de la operación del Portal Web y Aplicación Móvil.
5. Dicho régimen se encuentra referido en el artículo 20 del Reglamento para las Candidaturas a cargos de elección popular para el Estado de Veracruz de Ignacio de la Llave.
6. Listado de municipios en Régimen de Excepción.
7. Cédula de respaldo ciudadano para el régimen de excepción.
8. Porcentaje de Apoyo Ciudadano requerido para las personas aspirantes a una Candidatura Independiente para el cargo de diputaciones por el principio de Mayoría Relativa.
9. Tope de gastos que podrán erogar en la obtención del Apoyo Ciudadano las personas aspirantes a una Candidatura Independiente para el cargo de Diputaciones por el principio de Mayoría Relativa.
Hotel El Huasteco
